හුගක් තැන්වල 

    හිගක් නැතුවම 

ප්‍රේමයේ සුව මිල වුනා .....

රතු රෝස මල්

රතුපාට ඇඳගත්ත 

රතු රෝස මල් වලට 

කළු පාට වහගත්ත 

කහ පාට මී මැස්සො 

සිත් පාට තවරන්න 

නෙක පාට කවි කියනවා 

තොරොම්බල් සමනල්ලු

වරා මල් වගේ පියාඹා යන

තොරොම්බල් සමනල්ලු.....

ඉංගිරිසි මිනින්දෝරුවෝ තමයි

දඩබ්බර බත්කුරෝ....

හැමදාම මැරෙන අහිංසක පොරවල්

තමයි මී මැස්සෝ ...

රුපු යුද්ධයකි නුඹ සහ මා අතර,
ඉවසුම් අමෝරා ලතැවුල් හී පහර මාන්නා
රණ පිටිය සකසා
හිස් බෙලෙක් කදන් වටකොට
සද්ධන්ත ගිරිහිස මත මඟ බලා සිටින නුඹ.....

දන්නවානම් මා නොඑන වග 
යුධ සැමරුම්ය අද ,
පුරවරම ඔල්වරසන් හඬ මැද ..

    සුළඟ අනවරතය

හෙතෙම නිසොල්මන්ය......
හිදිමි විඳිමි...
සිහින දෝ දකියි
කප්පරක් අඬ අඳුර බිද
අතරින් පතර දැල්වෙන නියෝන් එළි,
එක පාර කෑ ගහන කොන්ක්‍රීට්
රෑබදුලු ස්වර.....

නීරස කරයි සිත,
නිවා අහවරක් කල පෙම් පවත්
හෙමි හෙමින් දැල්වින ආයෙමත්...
දවා ගත් සිගැරැට්ටුව....
නිවා ගත් ප්‍රේමය.......

පිට අත්ල මත වැටුණු
ඇවිලුනු අළු
විසිරින

අනවරත සුළඟට......

මුකුලිතවි මහ රැයට නිදිවදින විහඟුනේ....
විකසිතවි මහ රැයට
මල් තෙමන පිනි බිදේ....
ඇයත් අද නිදි නැතිව දෙගොඩහරි යාමයේ....
ෆැක්ටරියේ වැඩගොඩක් ගොඩගැහී මයේ හිතේ.....

වැහිදියේ හෙලෙනු මැන පිනි බිදක් නිදහසේ
වැටෙනු මැන පිනි බිදේ කුරුළු යහනාවතේ..

විහඟ, හනික නුඹ අවදි වී.....
සරනු මැන ඒ යහට මහ රෑම කළුවරේ....
සඳ එළිය නුඹේ නමට එළියදෙයි හිතවතේ...
තනි නොවනු නුඹේ ළගින් රැදෙයි ඒ පිණි බිදේ....

ගොහින් නුඹ ඇය අසළ රැදී මොහොතක් මලේ...
හෙලණු මැන පිණි බිදුව සෙමින් ඇගේ මුව වටේ.....

නුඹ සොයා ගත් මොණර කොළයක් මා ගෙවා දැමු මතක පදයක්

සරා සද අභියසක

නුරා පහසක පැතුම

මලානික අහස යට

සේවූ සිසිවන සුවදක මහිම.......

වරා මල් සිතක් යට

කෙලෙස සොයමිද සෙවන මම

මවා ගත් ප්‍රේමයක

වින්ද සිත් කවිය නුඹ.....

ඇහෙන් ඉගිකර පහස ගැන

ගයන්නේ අනුරාගි ස්වර නුඹ

තනන්නේ රෙසි කලාවන් ළැම

සරන්නේ ඇට මිදුලු නහර වල.....

අතැගිලෙන් තද කරපු මස්පිඩු

මතක් කෙරුවා ජීවිතේ වග

මේ නුඹයි සහ ඒ මමයි බව...

හීන් කිතියක් හදවත අසළ

අහෝ නෑ ඒ වෙදානාවක්

නුඹ සොයාගත් මොණර කොලයක්

මා ගෙවා දැමු මතක පදයක්......